Bókasafn Reglunnar
![](../img/bokasafn.gif)
Opið til útlána og lesturs frá 20. september til 28. apríl
- Mánudaga – miðvikudaga kl. 17:00 – 18:30
- Sunnudaga kl. 10:00 – 11:30
Gengið er inn Borgartúnsmegin.
Yfir Bókavörður Reglunnar:
Trausti Laufdal Jónsson
Saga Bókasafns Reglunnar er í upphafi samofin sögu St. Jóhannesarstúkunnar Eddu. Rætur safnsins liggja í þeirri hefð Eddubræðra að hittast tvisvar í viku, á föstudögum og sunnudögum, til þess að lesa saman þau rit sem stúkan hafði eignast, væntanlega mest frá Danmörku. Fór þá að myndast vísir að bókasafni. Í 25 ára afmælisriti Eddu stendur: "Fóru þá ýmsir bræður að gefa nokkurt fé til bókakaupa eða útvega stúkunni bækur er hún greiddi fyrir."
Húsnæði bókasafnsins var fyrst undir súð í Austurstræti 16 en eftir að Reglan flutti í Borgartún hefur það verið í núverandi sal sem einnig var matsalur Reglunnar allt þar til matsalurinn í nýbyggingunni við Bríetartún 5 var tekinn í notkun.
Safn erinda og bóka er orðið all álitlegt eða 1100 erindi og 2350 bækur.
Áhugavert efni á Reglubókasafninu
Bókin "I Guld og Himmelblaat" er mjög áhugaverð bók um
sögu frímúrarastarfs í Danmörku og er hún gefin út af Dönsku Frímúrarareglunni. Bókin er mjög vönduð og prýdd
fjölda mynda. Þar er fjallað um hin ýmsu frímúrarakerfi sem var og er unnið eftir í Danmörku og áhrif þeirra.
Einnig er talað um þær byggingar sem Reglan á víðsvegar um landið, fjallað um skjala- og bókasafn þeirra og
minjasafnið.
Óhætt er að mæla með því að bræður gluggi í þessa bók þegar þeir heimsækja Reglubókasafnið næst.
Bókaverðir Frímúrarareglunnar á Íslandi 2015-2016