![Bríetartúni 5, Reykjavík](img/regluheimilid.jpg)
St. Jóhannesarstúkan Fjölnir nr. 11.
Kjörorð: CARITATEStofndagur: 25.01. 1987.
Stúkuheimili: Bríetartúni 5, Reykjavík
Fundardagur: Þriðjudagur
Stm.: Guðmundur Kr. Tómasson
Upptaka sem ekki gleymist
Þorsteinn Sigurður Þorsteinsson
![]()
Kæru bræður.
Það er mikið ílagt og vandaverk að setja niður vitrænt skrifelsi um Regluna okkar, skrifelsi sem lýsi á fullnægjandi hátt jákvæðum vettvangi manna sem með samhentu átaki settu saman umhverfi starfsstúku Frímúrara reglu, sem byggði á ævagömlum siðum og reglum um jöfnuð, mannkærleika og miskunnsemi.
Einnig er það ærið vandaverk að tileinka mér þau margþættu, en um leið jákvæðu og verðmætu áðurgreindu undirstöðuatriði, sem eru öll afar veigamikil.
05.02.2016
Í kærleika og bróðurhug
Skúli Jón Sigurðarson
![]()
Ég þekkti Andrés Andrésson klæðskera mjög vel, en hann var bróðir stjúpa míns og ég leigði hjá honum í Suðurgötu 24 eftir1958, meðan ég var í Háskólanum og starfaði sem kennari. Andrés var trúaður, vandaður og góður maður og hafði mikla dulræna hæfileika. Ég vissi að hann var frímúrari og að hann fór reglulega á fundi þar. Ég fékk áhuga á Reglunni og fór að reyna að lesa mér til um eðli og tilgang hennar. Reyndi að fræðast af Andrési og sannfærðist um að þarna væri mannbætandi félagsskapur reistur á kristilegum grunni.
20.02.2015
Að feta í sömu fótspor
Lárus Johnsen Atlason
![]()
Það mun hafa verið snemma árið 1976 sem ég bað föður minn um liðsinni við að ganga í raðir Frímúrara.
Hann tók málaleitan minni vel og eftir að við höfðum rætt þessa ósk mína okkar í milli sá hann alfarið um umsóknina, svo mjög að ég vissi ekki hver hinn meðmælandi minn var.
Það var hins vegar þegar farið var að líða á árið 1977 að ég ynnti föður minn eftir gangi mála, en hann var þá starfandi skipstjóri í millilandasiglingum og því fremur sjaldan heimavið.
03.02.2015
Þakklátur, glaður og stoltur
Grétar H. Óskarsson
![]()
Stúkan okkar Fjölnir var stofnuð 27. janúar 1987. Þáverandi SMR, Gunnar J. Möller, hafði falið br. Vali að stofna nýja St. Jóh. stúku sem yrði sú fimmta í Reykjavík. Það voru liðin 12 ár frá stofnun síðustu St. Jóh. stúku í höfuðborginni og þörf var fleiri stúkna þar sem fjölgun félaga í Reglunni var mikil og aðsókn fór vaxandi. Br. Valur Valsson brást ekki því trausti sem honum var sýnt með útnefningu hans til þessa verkefnis og mikið starf var framundan. Leiddi hann það starf skipulega og með þeirri staðfestu sem nauðsynleg var.
28.12.2014
Tækifæri
Kristján S. Sigmundsson
![]()
Síminn hringdi hjá mér um haustið 1986 og erindið var, hvort ég hefði áhuga á að gerast stofnfélagi í nýrri St. Jóhannesar stúku sem til stæði að stofna í janúar 1987. Ég man ég svaraði strax „já“ það væri mér mikill heiður. Ég hafði verið í Reglunni í 5 ár, kominn á IV/V stig og var tilbúinn að takast á við nýja hluti.
En hverjir voru þessir nýju hlutir? Ég hafði heyrt hjá mér reyndari bræðrum, að það að taka þátt í stofnun nýrrar stúku væru ákveðin forréttindi ...
02.11.2014
Gott ráð
Þorsteinn Sv. Stefánsson
![]()
Ég gekk í Frímúrararegluna 5. des. 1983, í St. Jóh. stúkuna Mími. Nokkuð langur aðdragandi var að þessu, en ég var þá nýlega fluttur til Íslands eftir 12 ára dvöl í Gautaborg í Svíþjóð. Þar hafði ég og fjölskyldan kynnst golfíþróttinni og líkað vel. Þess vegna gengum við fljótlega í Golfklúbb Reykjavíkur, og þar kynntist ég Guðmundi S. Guðmundssyni, sem var þá framkvæmdastjóri klúbbsins.
Ég hafði áður kynnst mönnum, sem voru í Reglunni, en upplýsingar um hana lágu ...
17.10.2015
Þegar akurinn var plægður
Helgi Bragason
Ég gekki í Mími í desember 1979. Eftir sex ára veru í Mími var ég fenginn til liðs við undirbúning að stofnun nýrrar stúku. Það eru mikil forréttindi að vera þátttakandi í stofnun nýrrar stúku, sérstaklega var undirbúningurinn skemmtilegur undir stjórn Vals Valssonar. Ég var svo heppinn að fá að verða fyrsti söngstjóri í stúkunni Fjölni og lít alltaf til undirbúningsáranna og einnig fyrstu starfsáranna með þakklæti og hlýhug.
Bróðir Sigfús Halldórsson var beðinn um að semja lag, Fjölnislag fyrir hina ...
19.03.2015
Einföld og skemmtileg hönnun undir lögreglueftirliti
Ólafur Stephensen
![]()
Stundum er sem óviðráðanleg verkefni sæki að manni. Ekki nóg með það. Þessi ágætu verkefni eru oft á tíðum svo skemmtilega einföld að það er ekki nokkur vandi að vinna þau. Þetta finnst manni – þangað til að allt fer í strand. Alls konar vandamál verður að leysa,- vandamál, sem enginn hafði gert sér grein fyrir í upphafi. Og verkefnið, þetta “einfalda og skemmtilega” breytist skyndilega í vandamál, sem kemur manni til að spyrja sjálfan sig: “Hvað í ósköpunum ertu búinn að ...
20.02.2015
Frímúrarareglan í Japan
Eyþór Eyjólfsson
![]()
Það var fyrir einu og hálfu ári að ég flutti aftur til Tokyo, þar sem ég hafði þegar búið í hartnær 18 ár. Eitt fyrsta verk mitt var að setja mig í samband við Frímúrararegluna í Japan, The Grand Lodge of Japan, og fá kynningu á starfsemi bræðra okkar þar í landi. Nokkrum mánuðum síðar og að fengnum tilskyldum leyfum frá Reglunum á Íslandi og í Japan fyrir tvöfaldri aðild, var ég tekinn upp á Meistaragráðu Jóhannesar stúkunnar, De Molay Land Lodge No 22 í Tokyo.
03.02.2015
Móðurstúka
Gísli Benediktsson
![]()
Þegar St. Jóh. stúkan Fjölnir var stofnuð fyrir 27 árum hafði ég verið meðlimur í frímúrarareglunni í 7 ár. Gekk í stúkuna Mími í janúar 1980 þá 33 ára gamall.
Stofnun stúku í lögsagnarumdæmum þar sem stúkur eru starfandi fyrir er með öðrum hætti en á svæðum þar sem Reglan er að hasla sér nýjan völl. Á þeim stöðum er fyrst stofnað bræðrafélag og síðan fræðslustúka, sem starfar í nokkur ár undir verndarvæng ákveðinnar móðurstúku annars staðar á landinu, þar til fullgild St. Jóh. stúka er formlega stofnuð.
20.11.2014
Hornrétt starf
Halldór Sigurður Magnússon
![]()
Þegar ég gerðist félagi í Frímúrarareglunni bjó ég í Stykkishólmi. Þar kynntist ég mörgum ágætum bræðrum úr stúkunni Akri á Akranesi. Eftir viðræður við þessa bræður sannfærðist ég um að ég ætti erindi við Regluna en áttaði mig síðar á því að Reglan ætti líka erindi við mig. Ég fór þess á leit við tvo gamla skátabræður að þeir gerðust meðmælendur mínir og var það auðsótt. Einn skáta- og frímúrarabróðir sagði mér reyndar síðar að í hans huga væri Frímúrarareglan eðlilegt framhald af skátastarfinu.
22.09.2014